Erga yirik asteroid yaqinlashmoqda

2011 VG9 asteroidi 16 aprel, chorshanba kuni Yer yonidan uchib o‘tadi, deb xabar beradi NASAning reaktiv harakat laboratoriyasi (JPL).

NASA ma’lumotlariga ko‘ra, osmon jismining uzunligi 135,1 metrni tashkil etadi. 2011 VG9 dan sayyoramizgacha bo‘lgan masofa 4 659 699 kilometrga yetadi.

Agar asteroid Yerga 7,5 million kilometrdan kamroq masofada yaqinlashsa va uning kattaligi 150 metrdan oshsa, NASA uni “potensial xavfli ob’ekt” deb hisoblaydi.

11 aprel kuni uzunligi 116,6 metr bo‘lgan 2023 KU asteroidi Yer yonidan uchib o‘tgandi, deb xabar beradi korrespondent.net.