Rajab Toyyib Erdo‘g‘on konstitusiya o‘zgartirilmasa ham yangi muddatga prezidentlikka nomzodini qo‘ya oladi. Bu haqda Turkiya prezidentining maslahatchisi Mehmet Uchlum bayonot berdi.
«Erdo‘g‘on yana nomzodini qo‘yishi uchun yangi konstitusiya kerak emas yoki eskisini o‘zgartirishga hojat yo‘q.
Masalan, agar parlament 2027 yilning uchinchi choragi oxirida yoki 2028 yil boshida kamida 360 nafar deputatning ko‘pchilik ovozi bilan takroriy saylov o‘tkazish qarorini qabul qilsa va prezident Erdo‘g‘on nomzodini qo‘yishga rozilik bersa, u so‘nggi marta saylovda qatnashishi mumkin», — dedi maslahatchi.