AQSh Prezidenti Donald Tramp, agar Rossiya yetakchisi Vladimir Putin Ukraina bo‘yicha tinchlik muzokaralari doirasida Turkiyaga kelsa, u ham uchrashuv uchun Turkiyaga kelishga tayyor ekanini ma’lum qilgan. Bu haqda Turkiya Prezidenti Rejep Tayyip Erdo‘g‘on xabar berdi.
“Report” axborot agentligi “Anadolu” agentligiga tayanib ma’lum qilishicha, Erdo‘g‘on bu haqda Gaaga shahrida o‘tkazilgan NATO sammitidan qaytib kelganidan so‘ng, jurnalistlarga ma’lum qilgan.
"Yakuniy maqsadimiz – mamlakatimizda yetakchilar darajasida uchrashuv tashkil etib, uzoq kutilgan tinchlikka erishishdir. Bu masalada men Gaagadagi uchrashuvimiz paytida AQSh Prezidenti janob Trampni ham xabardor qildim. Uning so‘zlariga ko‘ra, agar Rossiya Prezidenti Vladimir Putin kelishuv uchun Istanbul yoki Anqaraga kelsa, u ham Istanbul yoki Anqaraga kelishga tayyor. Biz kerakli aloqalarni o‘rnatamiz va imkoni boricha tezroq uchrashuvni amalga oshiramiz", — dedi Erdo‘g‘on.
Isroil Eron bilan urush tugaganini rasman e’lon qildi
Eron butun Isroil bo‘ylab zarbalar berdi — Islom inqilobi qo‘riqchilari korpusi
Eron Isroilni mag‘lubiyatga uchratganini ma’lum qildi
