Erdo‘g‘on: "Iroq Kurdiston mintaqasi prezidenti qarorgohiga qilingan hujumdan xavotirdaman"

Turkiya Prezidenti Rajab Toyyib Erdog‘an va Iroq Kurdiston mintaqasi prezidenti Nechirvan Barzani telefon orqali suhbatlashdi.

Bu haqda Turkiya Prezidenti ma’muriyati ijtimoiy tarmoqlarda e’lon qildi.

Suhbat davomida tomonlar Yaqin Sharqdagi keskinlashuv va mintaqadagi dolzarb voqealarni muhokama qilishdi. Turkiya Prezidenti shuningdek, Barzanining uyiga qilingan hujumdan xavotir bildirdi.

"Erdog‘an Turkiyaning bunday hujumlarga doimiy ravishda qarshi ekanligini ta’kidladi. U mintaqadagi mojarolar imkon qadar tezroq tugashi kerakligini ta’kidladi", deyiladi bayonotda.

28 mart kuni Bag‘dod Iroq Kurdiston mintaqasi prezidentining uyiga dron hujumidan so‘ng tergov o‘tkazishni buyurdi.