Anqara Falastin-Isroil mojarosi mintaqada keskinlashishidan xavotirda.
“Bizning bu boradagi xavotirlarimiz juda va juda yuqori. Bularning barchasi bir yoki ikki hafta ichida tugashiga ishonchim komil emas. Va shuning uchun biz o‘z ishimizni va rahbarlar bilan aloqalarni davom ettiramiz. Biz sodir bo‘layotgan voqealarni to‘xtatish uchun vositachilik yo‘li bilan yechim izlayapmiz”, dedi Turkiya prezidenti Anqarada Avstriya kansleri Karl Nexammer bilan o‘tkazilgan matbuot anjumanida tegishli savolga javob berar ekan.
Turkiya rahbari Yaqin Sharq muammosini hal qilish kerakligini va “yakuniy yechim – poytaxti Sharqiy Quddusda bo‘lgan mustaqil Falastin davlatini yaratish” ekanligini ta’kidladi. “Biz mintaqadagi barcha qudratli o‘yinchilarni “Adolatli dunyoda mag‘lub yo‘q” shiori ostida tinchlik o‘rnatish mas’uliyatini o‘z zimmasiga olishga chaqiramiz... Ko‘proq qon to‘kilishiga olib keladigan qadamlardan tiyilishimiz kerak”, - dedi u.
Erdo‘g‘an G‘azodagi vaziyat haqida gapirar ekan, inson huquqlari buzilishiga e’tibor qaratdi: “Biz bunga qanday yetib keldik? Biz bu yerda ko‘p yillardan beri doimiy o‘limga duch kelyapmiz. Hozir G‘azoda suv ta’minoti ham, elektr ham yo‘q. Inson huquqlari haqida nima deyish mumkin?"
Turkiya prezidenti “Inson huquqlari deklarasiyasiga ko‘ra, elektr yoki suvni uzib bo‘lmaydi”, deya qo‘shimcha qildi: “Hozir kasalxonalar va ibodatxonalar bilan nima bo‘lyapti? Ular shafqatsiz zarbalarga duchor bo‘lishadi. Va hech kim hech narsa demaydi."
Turkiya prezidenti AQShning Jerald Ford samolyot tashuvchi kemasini jo‘natishini izohlar ekan, “Amerika samolyot tashuvchisining Isroildagi ishi nima? Nega u yerga boradi? U o‘zining barcha samolyotlarini, qayiqlarini ishga tushirib, G‘azoni o‘rab olib, unga zarba berib, juda jiddiy ommaviy o‘limga eshik ochadimi?"
