Turkiya prezidenti Rajab Toyyib Erdog‘an “Liviya milliy armiyasi”ni boshqarayotgan Xalifa Xaftar bilan muzokara o‘tkazmoqchi emas. Bu haqda Bloomberg agentligi xabar berdi.
Xaftarning raqibi bo‘lmish – “Milliy kelishuv hukumati” rahbari Faiz Sarrajni qo‘llab-quvvatlayotgan Erdog‘an “terrorchi bilan bir stolda o‘tirmasligini” bildirdi.
19 yanvar kuni Berlinda Liviya masalasi bo‘yicha xalqaro konferensiya bo‘lib o‘tdi. Unda urishni to‘xtatish va mamlakatni tiklash bo‘yicha yakuniy qaror qabul qilindi.
