Erdog‘an: "Biz mintaqadagi mojarolarni hal qilish yo‘llarini izlayapmiz"

Turkiya mintaqaviy mojarolarga diplomatik yechim izlamoqda.

Bu haqda Turkiya prezidenti Rajab Toyyib Erdog‘an Rize shahridagi davlat kasalxonasining ochilish marosimida aytib o‘tdi.

"Shu bilan birga, biz Turkiyani hozirda avj olayotgan mintaqaviy urushlardan chetda qoldirishga harakat qilmoqdamiz", deb ta’kidladi Erdog‘an.

Ochilish marosimida Erdog‘an ishtirok etgan kasalxona 36 000 kvadrat metr maydonda qurilgan va ikkita binodan iborat. Yangi foydalanishga topshirilgan kasalxona 100 o‘ringa mo‘ljallangan.