Endi telegramga kirish ham pullik bo‘lyaptimi?

Ayrim davlatlarda telegram akkauntiga kirish pullik bo‘lib qolmoqda. Germaniya, Braziliya va Afrika davlatlaridagi foydalanuvchilar odatiy bepul SMS-kod olish imkoniyati rad etilayotgani haqida xabar bermoqda.

Nima bo‘lyapti?

— Foydalanuvchiga odatiy bepul SMS orqali kirish imkoni berilmayapti;
— Shundan so‘ng kirish uchun faqat pullik SMS yuborish varianti qoladi;
— Bunday SMS yuborish narxi o‘rtacha $1–1,5;
— Telegram esa bu xarajatni 1 haftalik Premium berib qoplab beradi.

Nega bunday qilinyapti?

Telegram vakillarining tushuntirishicha, ayrim mamlakatlarda SMS-xabar narxi juda baland. Shu sababli kompaniya xarajatlarni qoplash uchun vaqtincha pullik avtorizasiyani joriy qilmoqda.