Endi “Real” hamda “Barselona” o‘rtasidagi o‘yinni o‘zimizning “Milliy” stadionida tomosha qilishingiz mumkin

Endi La Liga doirasida kechadigan “Real” hamda “Barselona” o‘rtasidagi o‘yinni o‘zimizning “Milliy” (sobiq “Bunyodkor”) stadionida tomosha qilishingiz mumkin.

Xabaringiz bor, Ispaniya futbol federasiyasi hamda “Real” klubi bilan yaqin aloqalar yo‘lga qo‘yilgan edi. “El-klasiko”ni “Milliy” stadionida tomosha qilish imkoni ana shu hamkorlikning bir samarasidir.

"Sports.uz"ning ma’lumotlarga ko‘ra, La Liga yangi mavsumining 10-turida 28 oktyabr kuni “Kamp Nou” da “Barselona” hamda “Real” o‘rtasida o‘yin bo‘lib o‘tadi. PFL esa ana shu o‘yinni “Milliy” stadioni ichidagi katta ekran orqali to‘g‘ridan-to‘g‘ri namoyish etishni rejalashtiryapti. O‘yindan oldin esa “Milliy” stadionida ispan futbol faxriylari bilan o‘zbek futbol faxriylari o‘rtasida o‘yin tashkil etilishi mo‘ljallangan.

“El-klasiko”ning aniq boshlanish vaqti hozircha noma’lum.

Manba: repost.uz