Endi Milliy gvardiya xodimlari ham fuqarolarga o‘zini tanishtirishga majbur

Fuqarolar bilan muloqotda o‘zini tanishtirish talabi Milliy gvardiya xodimlariga nisbatan ham tatbiq etiladi.

Qonunchilik palatasining ma’lum qilishicha, “Milliy gvardiya to‘g‘risida”gi qonunga tegishli qo‘shimcha qo‘shilmoqda.

Milliy gvardiya harbiy xizmatchisi (xodimi) fuqaroga murojaat etganida hamda o‘ziga fuqaro murojaat etgan taqdirda o‘zini tanishtirishi hamda fuqaroga uning huquqlari va majburiyatlarini tushuntirishi shart, deyiladi qonunga qo‘shilayotgan yangi normada.

Qonun loyihasi deputatlar tomonidan birinchi o‘qishda qabul qilindi.