Elit OCHL. «Paxtakor» uchinchi safar o‘yinida durang qayd etdi

Elit Osiyo chempionlar ligasi 5-turi doirasida "Paxtakor" klubi Dubay shahrida Eronning "Istiqlol"i bilan to‘qnash keldi. Mazkur bahsda har ikki jamoaga g‘alaba suv va havodek zarur bo‘lsa-da, darvozalarga to‘p kiritilmadi.

Tomonlar vaqti-vaqti bila to‘pni nazorat qilishdi. "Paxtakor" raqib darvozasi tomon birorta ham aniq zarba bera olmadi. Tehronliklar esa 3 ta aniq zarba berishdi. Vladimir Nazarov ularni qaytarishga muvaffaq bo‘ldi.

Jaloliddin Masharipov "Istiqlol" safida bugun to‘liq harakat qildi.

Ushbu durang tufayli "Paxtakor"ning ochkolari 3 taga yetdi. "Istiqlol" hisobida esa 4 ochko mavjud.

Elit Chempionlar Ligasi, 5-tur
Dubay, "Rashid" stadioni, 21:00
"ISTIQLOL" (Eron) - "PAXTAKOR" (O‘zbekiston) - 0:0
Ogohlantirishlar: Fallah (57), Murodmand (87), Niknafs (90+2) — Alijonov (74),
"Istiqlol": Said Hussayni, Hussayn Murodmand, Saman Fallah (Salimiy 63), Ramin Rizoiyan, Milad Zakipur (Jaliliy 64), Blanko (Sodiqiy 63), Ndong, Rafael, Jaloliddin Masharipov, Muhammad Islomiy, Arash Rezavand (Niknafs 64).
"Paxtakor": Nazarov, Alijonov, Azmiddinov, Abdullayev, Abdumajidov, Mahammadjonov, Bo‘riyev, Xolmatov (Asqarov 89), Adhamzoda (O‘rinboyev 90+3), Abdumannopov (Merk 89), Jo‘raqo‘ziyev (Hoshimov 81).