Toshkent vaqti bilan soat 12:42 da lira kursi 1 dollar uchun 40,95 liraga tushib, o‘z tarixidagi eng past ko‘rsatkichni qayd etdi. Keyinchalik valyuta biroz tiklandi va 1 dollar uchun 38,91 lirani tashkil qildi.
Bundan tashqari Turkiya fond bozorida ham pasayish kuzatildi. “Interfaks” xabariga ko‘ra, Borsa Istanbul 100 fond indeksining qiymati sessiya boshida 6,9% ga tushib ketdi, natijada aksiyalar savdosi to‘xtatildi. Savdolar qayta tiklangach, indeksning pasayishi 4,6% ni tashkil etdi.
Eslatib o‘tamiz, bugun ertalab Turkiya hukumati Istanbul meri, muxolif siyosatchi Ekrem Imomog‘luni korrupsiya ishi doirasida hibsga olgan edi.
Xitoy o‘z aholisini jiddiy ogohlantirdi
Eronda hijob bekor qilindimi?
Dunyoda eng kam va eng ko‘p tug‘ilish qayerda?
