Fransiya prezidenti Emmanuyel Makron va Yevrokomissiya rahbari Ursula fon der Lyayen Rossiyani Ukrainada 30 kunlik o‘t ochishni to‘xtatish kelishuvidan bosh tortsa, yuzaga kelishi mumkin bo‘lgan oqibatlar haqida ogohlantirdi.
"Adolatli va mustahkam tinchlik to‘liq va so‘zsiz o‘t ochishni to‘xtatishdan boshlanadi. Agar Moskva bunga to‘sqinlik qilishda davom etsa, biz boshqa Yevropa davlatlari va AQSh bilan yaqin hamkorlikda bosimni kuchaytiramiz", — deb yozdi Makron ijtimoiy tarmoqda X.
Fon der Lyayen, shuningdek, Yevropa Ittifoqi Rossiya 30 kunlik otashkesimga rozi bo‘lmasa, unga qarshi yangi sanksiyalar joriy etishga tayyorligini tasdiqladi. Yevrokomissiya rahbari Yevropa Ittifoqi muzokaralar jarayonini buzishga qaratilgan har qanday urinishlarga keskin javob berishini qayd etdi.
Bu bayonotlar Kiyev va Moskva o‘rtasida tinchlik muzokaralarini boshlashga qaratilgan G‘arb diplomatik sa’y-harakatlari fonida yangradi. Yevropa va Qo‘shma Shtatlar o‘t ochishni to‘xtatish urushni tugatish yo‘lidagi birinchi qadam bo‘lishiga umid qilmoqda.
Hokim o‘rinbosari o‘zini yoqib yubordimi?
Rossiya S-300/400 maketlari bilan dunyo ko‘zini aldamoqda!
Ukraina O‘zbekistonga sanksiya joriy qildi. Uchta kompaniya va bir fuqaro “qora ro‘yxat”da
