EI Suriyada yangi hukumat tuzilganini olqishladi

Evropa Ittifoqi Suriyada yangi o‘tish davri hukumati tuzilganini olqishlaydi.

Evropa tashqi aloqalar xizmati bayonotida aytilishicha, YEI Suriyadagi yangi hukumat bilan “uning oldida turgan ulkan muammolarni yengishda yordam berish” uchun hamkorlik qilishga tayyor.

— Yaqinda Suriya bo‘yicha IX Bryussel konferensiyasida ta’kidlanganidek, barcha suriyaliklarning intilishlari ro‘yobga chiqishi kerak. Yevropa Ittifoqi Suriya xalqini qo‘llab-quvvatlaydi, shu bilan birga yangi hukumat tinch va inklyuziv o‘tishga bo‘lgan sadoqatini hurmat qilishini ta’minlaydi.

Evropa Ittifoqi Suriya yetakchiligidagi, Suriyaga tegishli bo‘lgan tinch, Suriya jamiyatining barcha tarkibiy qismlarini o‘z ichiga olgan, o‘tish davrining keng qamrovli adolati barcha jinoyatlar uchun javobgarlikni ta’minlaydigan va milliy yarashuvga salmoqli hissa qo‘shadigan o‘tish jarayonini qat’iy qo‘llab-quvvatlashini yana bir bor tasdiqlaydi. Shu nuqtai nazardan, 25 fevralda bo‘lib o‘tgan Milliy muloqot konferensiyasi tomonidan boshlangan jarayon hal qiluvchi rol o‘ynaydi.

Shuningdek, barcha tashqi kuchlar Suriyaning birligi, suvereniteti va hududiy yaxlitligini to‘liq hurmat qilishi zarur. Yevropa Ittifoqi mamlakatdagi barqarorlikni buzishga qaratilgan har qanday urinishlarni hamda tinch va inklyuziv siyosiy o‘tish istiqbollarini qoralaydi, deyiladi YEI diplomatik xizmati bayonotida.