Rossiya ikki yarim yildan beri qo‘shni davlatga qarshi urush olib bormoqda, Ukraina bo‘ylab raketa va uchuvchisiz samolyotlar yordamida hujumlar uyushtirmoqda va qo‘rqoqlarcha asosan tinch aholi nishonlariga zarba bermoqda, deyiladi Bryussel bayonotida.
"Poltavaga qilingan hujum Rossiyaning Ukraina va uning xalqiga qarshi shafqatsiz urushini davom ettirish, yirik sondagi qurbonlar va keng ko‘lamli vayronagarchiliklarga olib kelishiga urinishdagi qat’iyligini isbotlovchi yana bir maqsadli qon to‘kishdir. Biz qurbonlarning oilalarining qayg‘usiga sherikmiz va Ukraina xalqini qo‘llab-quvvatlaymiz", — deya munosabat bildirdi Yevropa Ittifoqi tashqi siyosati vakili Piter Stano.
Stanoning qayd etishicha, bu holatda Ukraina BMT Nizomidagi o‘zini himoya qilish bo‘yicha qonuniy huquqiga muvofiq, Rossiya hududidan amalga oshirilayotgan hujumlarni samarali qaytarish va tajovuzkorni orqaga surish imkoniyatiga ega bo‘lishi zarur.
U, shuningdek, Yevropa Ittifoqi Kiyevga harbiy yordam, jumladan, havo hujumidan mudofaa tizimlari va o‘q-dorilar yetkazib berishni kengaytirish tarafdori ekanini ta’kidladi.
Xitoy va Yaponiyadan keyin Rossiya ham shu taklifni bermoqda
Daniya AQSh tajovuzi bo‘lsa, Rossiyaga murojaat qilishni taklif qildi
Ukrainadagi kelishuv tafsilotlari oshkor bo‘ldi
