EI diplomatlari: AQSh yaqin oylarda Yevropadagi qo‘shinlarini qisqartiradi

Evropa Ittifoqi tez orada Amerika qo‘shinlarining Yevropadagi qisqarishi e’lon qilinishini kutmoqda.

Bu haqda Handelsblatt yozmoqda.

"Yuqori martabali yevropalik diplomatlar AQSh yaqin bir necha oy ichida Yevropadagi harbiy ishtirokini qisqartirishini e’lon qilishini kutmoqda - garchi qachon va qanday hajmda ekani hozircha noma’lum bo‘lsa ham," - deyiladi materialda.

Qayd etilishicha, NATOda ham shunday ssenariyga tayyorgarlik ko‘rilmoqda.

Shu bilan birga, ta’kidlanishicha, GFR kansleri Fridrix Mers allaqachon yevropaliklarni tinchlantirishga harakat qilib, AQShning Yevropadagi harbiy ishtiroki qisqarishi alomatlari yo‘qligini ma’lum qilgan.