Evropa Ittifoqi AQShning Grenlandiya ustidan joriy etgan savdo tariflariga javoban AQSh kompaniyalarining Yevropa Ittifoqi mamlakatlaridagi hukumat shartnomalariga kirishini to‘sib qo‘yishi mumkin.
Bu haqda Fransiya tashqi ishlar vaziri Jan-Noel Barro ma’lum qildi.
"Bizda o‘z manfaatlarimizga qilingan hujumlardan himoya qilish uchun kuchli vositalar mavjud. Biz Yevropa bozoriga kirishni cheklash va hukumat shartnomalarini taqiqlash haqida gapiryapmiz", dedi vazir.
Uning fikricha, "hech kim hech qachon savdo urushida g‘alaba qozonmaydi".
AQSh prezidenti Donald Tramp Grenlandiyaning Qo‘shma Shtatlarga qo‘shilishi zarurligini bir necha bor ta’kidlagan. 17 yanvar kuni u AQSh Daniya, Norvegiya, Shvesiya, Fransiya, Germaniya, Buyuk Britaniya, Niderlandiya va Finlyandiyaga tariflarni joriy yilning 1 fevralidan boshlab 10% gacha va 1 iyundan boshlab 25% gacha oshirishini e’lon qildi.
"Bu tariflar Grenlandiyani sotib olish bo‘yicha yakuniy va to‘liq kelishuvga erishilgunga qadar amal qiladi", deb yozdi Amerika yetakchisi Truth Social ijtimoiy tarmog‘ida.
Keyinchalik, Buyuk Britaniya va Fransiya kabi bir qator Yevropa mamlakatlari rahbarlari yangi tariflarga qarshi chiqishdi.
Hatto YTHdan keyin ham Adam Qodirov medal olib kelmoqda
Grenlandiya tashqi ishlar vaziri yig‘lab yubordi
Ukraina Rossiyaning "Oreshnik" raketalari uchiriladigan raketa maydonchasiga zarba berdi
