UYEFA tashkiloti Yevropa Chempionlar Ligasi 4-turining eng yaxshi o‘yinchisini aniqlash jarayonini boshlab yubordi. Bu haqda tashkilotning Twitter’dagi rasmiy sahifasida xabar berildi.
Unga ko‘ra, 4 nafar futbolchi hafta o‘yinchisi nomiga da’vogarlik qilmoqda. Ular quyidagilar:
Harri Keyn («Tottenhem») — «PSV Eyndxoven» qarshi bahsda 2 ta gol urdi.
Milan Pavkov («Srvena Zvezda») — «Liverpul» darvozasiga 2 ta gol urib, dublni rasmiylashtirdi.
Karim Benzema («Real») — «Viktoriya»ga qarshi uchrashuvda dublga erishdi.
Riyad Mahrez («Manchester Siti») — «Shaxtyor»ga qarshi bahsda 1 ta gol urib, 2 ta golli uzatmani amalga oshirdi.
Ovoz berish jarayoni UYEFA rasmiy saytida amalga oshirilmoqda.
