DW: Bundestag mudofaa xarajatlarini oshirishga yordam beruvchi qonunni ma’qulladi

Nashrning xabar berishicha, deputatlar Germaniya Federativ Respublikasi Konstitusiyasida mustahkamlab qo‘yilgan va hukumatni byudjet mablag‘larini tejamkorlik bilan sarflashga majbur qiluvchi “qarz to‘sig‘i” mexanizmini isloh qilishni qo‘llab-quvvatlagan.

Mudofaa xarajatlari va federal yerlar ehtiyojlari uchun ushbu “to‘siq”ni yumshatishga qaror qilindi. Shuningdek, maxsus infratuzilma jamg‘armasi uchun 500 milliard yevro ajratishga kelishildi.

Qonun loyihasi XDI/XSI parlament fraksiyasi va Germaniya Sosial-demokratik partiyasi tomonidan ishlab chiqilgan bo‘lib, 513 deputat tomonidan qo‘llab-quvvatlandi, 207 parlament a’zosi esa qarshi chiqdi. Endi qonun loyihasini federal yerlar vakillik organi — Bundesrat ma’qullashi kerak.