Tojikiston va Qirg‘iziston prezidentlari Imomali Rahmon va Sadir Japarov ikki davlat o‘rtasidagi chegara to‘g‘risidagi shartnomani ratifikasiya yorliqlarini almashish to‘g‘risidagi protokolni imzoladilar.
Tantanali marosim Tojikistonning So‘g‘d viloyati ma’muriy markazi Xo‘jand shahrida bo‘lib o‘tdi.
Eslatib o‘tamiz, 13 mart kuni respublikalar o‘rtasida bahsli hududlar bo‘yicha qariyb 23 yillik muzokaralardan so‘ng Rahmon va Japarov Bishkekda chegara bo‘yicha kelishuv imzolagan edi. Keyinchalik u ikki davlat parlamentlari tomonidan ratifikasiya qilingan.
Qirg‘iziston va Tojikiston o‘rtasidagi chegaraning uzunligi qariyb 980 km. 2002 yilning dekabr oyidan buyon uning chegaralarini belgilash bo‘yicha muzokaralar davom etmoqda. Ushbu muammoning hal qilinmagani ikki respublika mahalliy aholisi va harbiy xizmatchilari o‘rtasidagi nizolarga, jumladan o‘qotar qurollardan foydalanishga bir necha bor sabab bo‘lgan. Ulardan oxirgisi 2022 yil kuz oyining boshlarida sodir bo‘lgan. 2014 yildan buyon qirg‘iz-tojik chegarasida jami 10 dan ortiq jiddiy mojaro sodir bo‘lgan. Dushanba kuni Xalqaro Navro‘z bayrami munosabati bilan Xo‘jandda tarixda ilk bor Tojikiston, Qirg‘iziston va O‘zbekiston prezidentlarining uch tomonlama uchrashuvi bo‘lib o‘tadi. Ushbu sammit davomida yetakchilar uch respublika chegaralarining tutash nuqtasi bo‘yicha kelishuv imzolashi kutilmoqda.
🔴 BAA sudidan shov-shuvli qaror: o‘zbekistonliklar o‘limga hukm qilindi!
Ukrainalik asir: "Ukraina Qurolli kuchlari qariyb uch yildan beri xorijiy snaryadlardan foydalanib kelmoqda"
Cho‘ntakka zarba: Go‘sht narxi “uchib ketdi” – O‘zbekistonda mart oyida 9,1% oshdi!
