Agar siz bu savolga javob topish uchun Google'ga kirgan bo‘lsangiz, savolimizga javob topib bo‘ldingiz. Ushbu qidiruv tizimi dunyo bo‘ylab eng ko‘p tashrif buyurilgan o‘nta veb-sahifa ro‘yxatining boshida turishi sizni hayron qoldirmasa kerak.
Ro‘yxatning keyingi o‘rinlarini Youtube va Facebook egallagan. Pastki pog‘onalardagi ayrim veb-saytlar esa bizga notanish bo‘lishi ham mumkin.
SimilarWeb raqamli o‘lchov vositasi ma’lumotlariga ko‘ra, 6-o‘rinda Xitoyning baidu.com qidiruv tizimidan o‘tgan yilning noyabr oyida 5,49 milliard marta foydalanilgan. 8-o‘rinda esa 3,86 milliard ko‘rsatkich bilan yandex.ru rus qidiruv tizimi turibdi.
