Dunyoda energiya ishlab chiqarish tufayli karbonat angidrid chiqindilari miqdori 0,9 foizga oshib, 36,5 gigatondan oshdi. Bu rekord ko‘rsatkich, deya xabar berdi Euronews.
Bu haqda Xalqaro energetika agentligi e’lon qilgan hisobotda aytilgan.
Mutaxassislarning ta’kidlashicha, bunga asosan tabiiy sharoit, jumladan, dunyoning ayrim mintaqalarida qurg‘oqchilik va jazirama, shuningdek, atom elektr stansiyalarining yopilishi sabab bo‘lgan.
Chiqindilarning ko‘payishi pandemiyadan keyin faol havo transportining tiklanishi bilan ham bog‘liq. Bundan tashqari, ko‘plab shaharlar arzon energiya manbai sifatida ko‘mirga o‘tdi.
Yangi rekordga qaramay, o‘sish kutilganidan kichikroq bo‘lib chiqdi. Mutaxassislar buni qayta tiklanadigan energiya manbalari va elektromobillarga ommaviy o‘tish bilan bog‘lashmoqda.
