O‘zbekiston Bosh konsulxonasi tomonidan Birlashgan Arab Amirliklarida kasal bo‘lib, qiyin ahvolda qolgan yurtdoshimiz Z.A.ning vatanga qaytishiga yordam berildi, deb xabar bermoqda «Dunyo» AA muxbiri.
Ushbu insonparvarlik ko‘magi BAAda istiqomat qilayotgan vatandoshlar hamda «Ayollar va bolalarga yordam ko‘rsatish markazi» xayriya tashkiloti rahbariyatining faol qo‘llab-quvvatlovi ostida amalga oshirildi.
Bosh konsullikka yo‘llangan murojaat asosida Z.A.ning O‘zbekistonga qaytishi uchun zarur barcha hujjatlarni rasmiylashtirish ishlari tashkil etildi. Ular uchun to‘lovlar va mamlakatga qaytish chiptasi uchun to‘lovlar to‘liq homiylar tomonidan qoplandi.
8 fevral kuni yurtdoshimiz «Uzbekistan Airways» kompaniyasining «Dubay-Toshkent» yo‘nalishidagi havo qatnovi bilan O‘zbekistonga kuzatib qo‘yildi.
