Dron hujumidan keyin Sochidagi neft omborida yong‘in sodir bo‘ldi

Rossiyaning janubidagi Sochi shahrida dron hujumidan so‘ng neft omborida yong‘in sodir bo‘ldi.

Bu haqda shahar meri Andrey Proshunin o‘zining Telegram-kanalida ma’lum qilgan.

"Adler tumanidagi neft bazasida yoqilg‘i baki yonib ketdi. Dronning qoldiqlari yana Aviasionnaya ko‘chasidagi garaj kooperatividagi binolarga borib tushdi. Dastlabki qurbonlar yo‘q" - deb yozdi mer.

Rossiyaning Telegram-kanallari ma’lumotlariga ko‘ra, hujum aeroport ro‘parasida joylashgan Adlerdagi "Rosneft-Kubannefteprodukt" neft bazasida amalga oshirilgan; hodisa tufayli kamida 52 ta reys o‘zgartirildi.