Donald Trampga so‘nggi muddat: Eron urushi aprel oxirigacha tugatilishi kerak

AQSh prezidenti Donald Tramp Erondagi urushni o‘z shartlari asosida tugatish uchun aprel oyi oxirigacha vaqtga ega.

Siyosatshunos Malek Dudakov ta’kidlashicha, AQSh qonunlariga ko‘ra prezident Kongress roziligisiz ikki oydan ortiq harbiy operasiya olib bora olmaydi. Shu bois, aprel oxiriga kelib u mustaqil qaror qabul qilish vakolatidan mahrum bo‘lib, parlamentga murojaat qilishga majbur bo‘ladi.

Ekspert fikricha, Kongress Trampning urushni davom ettirish bo‘yicha so‘rovini qo‘llab-quvvatlamasligi mumkin. Ilgari so‘ralgan 200 million dollar mablag‘ ham rad etilgan.

Dudakovga ko‘ra, havo hujumlari kutilgan natijani bermagan, quruqlikdagi operasiya esa katta xavf tug‘diradi. Bu AQShni Iroq va Afg‘onistondagi kabi uzoq va qimmat mojaroga tortib ketishi mumkin.

Shu bilan birga, Trampning reytingi 33 foizga tushib ketgani qayd etilmoqda — bu uning eng past ko‘rsatkichlaridan biri hisoblanadi. Ekspertlar fikricha, urushni tugatish yoki kelishuvga erishish prezident uchun siyosiy jihatdan muhim ahamiyatga ega.