AOKA huzuridagi shtabda Sanitariya-epidemiologiya nazorati davlat inspeksiyasi boshlig‘i Nurmat Atabekov ishtirokida brifing o‘tkazildi.
❓Aytingchi, doka niqob qanday materialdan, nechchi qavat qilib tikilgan yoki yasalgan bo‘lishi kerak?
❗️Tibbiy niqoblarni ishlab chiqarishda belgilangan Davlat standarti amal qilinadi.
Maskalar himoya darajasiga qarab, 2 turga bo‘linadi: epidemiyalar va pandemiyalarda infeksiyani tarqalishini kamaytirish uchun ishlatiladigan doka niqoblar.
Ushbu niqoblar o‘ziga nam tortmaydigan materiallardan tayyorlanishi va 2 soatdan ortiq hamda ko‘p marotaba ishlatilishi mumkin emas, chunki undan ortiq ishlatilsa maskalar orqali kasallikni yuqtirib olish mumkin.
2-turdagi maskalar – bular respiratorlardir.
Respiratorlar ko‘p marotaba ishlatilishi mumkin va bunda ishlab chiqaruvchi tomonidan qo‘yilgan ishlatish muddatiga rioya qilish maqsadga muvofiqdir.
