Deyarli 1,5 million dollar?! O‘zbek bokschilari IBA Jahon chempionatida qancha mukofot puliga ega bo‘ldi?

BAAning Dubay shahrida boks bo‘yicha kattalar o‘rtasidagi IBA Jahon chempionati o‘z yakuniga yetdi.

O‘zbekiston terma jamoasi musobaqada 2 ta oltin, 4 ta kumush va 3 ta bronza medallariga sazovor bo‘ldi.

Shuningdek, ikki nafar bokschimiz chorak finalgacha yetib borib, 5-o‘rin bilan kifoyalandi.

Bu yilgi musobaqaning sovrin jamg‘armasi umumiy hisobda 8,2 million AQSh dollarini tashkil etadi.

Mukofot pullari quyidagicha taqsimlanadi:

Oltin: 300 ming AQSh dollari

Kumush: 150 ming AQSh dollari

Bronza: 75 ming AQSh dollaridan

5-o‘rin: 10 ming AQSh dollaridan

Shu tariqa, O‘zbekiston terma jamoasi vakillari umumiy hisobda 1 million 445 ming AQSh dollari pul mukofotiga ega chiqishdi.

Qayd etish lozimki, ushbu mukofot pullarida sportchining murabbiyi va milliy federasiyaning ham ulushi bor: qo‘lga kiritilgan pulning 50 foizini sportchi oladi. 25 foizi murabbiyga, yana 25 foizi esa mamlakat boks federasiyasi beriladi.