Korrupsiyaga qarshi kurashish agentligi bir qator davlat banklari mansabdorlari tadbirkorlik sub’ektlarida ta’sischilik qilayotgani haqida ma’lum qilgandi. Mazkur holat ijtimoiy tarmoqlarda bir qator e’tirozlarga sabab bo‘lgach, agentlik rasmiy munosabat bildirdi.
“Tadbirkorlik faoliyati erkinligining kafolatlari to‘g‘risida”gi qonunining 4-moddasida davlat organlari (qonun hujjatlarida nazarda tutilgan hollar bundan mustasno), ularning mansabdor shaxslari, shuningdek, tadbirkorlik faoliyati bilan shug‘ullanishi qonunchilikda man etilgan boshqa shaxslar tadbirkorlik faoliyati subektlari bo‘lishi mumkin emasligi belgilangan.
Shuningdek, O‘zbekiston Respublikasi Vazirlar Mahkamasining “Tadbirkorlik faoliyati bilan shug‘ullanish taqiqlangan mansabdor shaxslarning ro‘yxati to‘g‘risida”gi 103-son Qaroriga asosan, davlat banklari rahbarlari va ularning o‘rinbosarlariga, xizmat yuzasidan pul belgilariga va pul (bank) hujjatlariga bevosita aloqasi bo‘lgan mansabdor shaxslarga tadbirkorlik faoliyati bilan shug‘ullanish taqiqlangan”, deyiladi agentlik xabarida.
O‘zbekistonga yana qorli sovuq havo kirib kelmoqda
Saudiya Arabistoni xazina topdi, neft konlarida «oq oltin» aniqlandi
UzAuto Motors 19 dekabr kuni Cobalt uchun kontraktasiyani ochadi
