“Crocus City Hall” terakti ijrochilari umrbod qamoq jazosiga hukm qilindi

Rossiya sudi Tojikiston fuqarolari Dalerjon Mirzoyev, Saidakrom Rajabalizoda, Shamsiddin Fariduniy va Muhammadsobir Fayzovni 2024 yil 22 mart kuni Moskva viloyatidagi “Crocus City Hall” majmuasida ro‘y bergan va 150 ga yaqin kishi halok bo‘lgan teraktni ijro etishda aybdor deb topib, umrbod qamoq jazosiga hukm qildi.

Shuningdek, sud tergov tomonidan “terakt ijrochilarning sherigi” deb hisoblangan yana 11 nafar ayblanuvchini umrbod qamoq jazosiga hukm qildi.

Yana to‘rt nafar ayblanuvchiga esa 19 yil-u 11 oydan 22,5 yilgacha ozodlikdan mahrum qilish jazosi tayinlandi.