Xyustondagi MD Anderson saraton markazi olimlari 2019 yildan 2023 yilgacha bo‘lgan davrda davolangan mingdan ortiq bemorlarning ma’lumotlarini tahlil qildi, deb xabar beradi BILD.
Nature jurnaliga ko‘ra, immunoterapiya boshlanganidan keyin 100 kun ichida mRNK vaksinasi olgan bemorlarda uch yillik yashash darajasi vaksinani olmaganlarga qaraganda ikki baravar yuqori bo‘lgan. Ayniqsa, "sovuq" o‘smalari bo‘lgan bemorlarda kuchli ta’sir kuzatildi. Masalan, prostata va oshqozon osti bezi saratoniga chalinganlarda odatda zaif immunitet tizimi reaksiyasi kuzatiladi. Biroq, vaksinani qabul qilish bu bemorlarning yashash darajasini besh baravar oshirdi.
Tadqiqot mualliflari tushuntirganidek, mRNK vaksinasi immun tizimi uchun signal bo‘lib xizmat qiladi: ular saraton hujayralarini taniy boshlaydigan va yo‘q qiladigan immun hujayralarini faollashtiradi. Biroq, an’anaviy vaksinalar bunday ta’sir ko‘rsatmadi.
Tadqiqotchilar endi mRNK vaksinasi saraton bemorlari uchun standart terapiyaning bir qismiga aylanishi mumkinligini tasdiqlash uchun katta klinik sinov o‘tkazishni rejalashtirmoqdalar.
— Har qanday vaksina immunitetni oshiradi, — deydi nemis immunologi Karsten Vatsl.
O‘zbekistonda 4 kishilik oilaning yashashi uchun qancha mablag‘ kerakligi hisoblab chiqildi
Muhojirlar orasida birinchi: Ukrainaga qarshi urushda Rossiya armiyasi safida jang qilayotgan o‘zbeklar soni ma’lum bo‘ldi
Qaynonasining go‘shtidan manti qilib, erini ham o‘ldirgan ayolga 12 yil jazo berildi
