Chirchiqda yangi madaniyat va istirohat bog‘i ochildi

"O‘rmon" nomli bog‘ "Kimyogar" va Amir Temur mahallalari hududidagi 80 gektar maydonda joylashgan.

U yerda bolalar maydonchasi, yoshlar uchun skeyt-park, amfiteatr, yashil xiyobonlar, ko‘l, fotozonalar, kutubxona va turli xil attraksionlar mavjud.

Bundan tashqari, salomatlik yo‘laklari, landshaft dizaynidagi tungi yoritish chiroqlari keluvchilarga qulaylik yaratmoqda.

Loyihaning umumiy qiymati 50 milliard so‘mni tashkil etadi. Ayni damda qurilishning birinchi bosqichi yakunlandi, deb xabar beradi Toshkent viloyati hokimligi