Bugun ijtimoiy tarmoqlardagi kanallarning birida Chilonzor tumani Chilonzor metro bekati yaqinida kalamushlarning yurgani aks etgan video xabar tarqaldi.
Ushbu holatga nisbatan Sanepidqo‘mita Toshkent shahar boshqarmasi shuni ma’lum qiladiki, videodagi holat bo‘yicha Chilonzor tuman bo‘limi mutaxassislari tomonidan o‘rganish ishlari amalga oshirildi. Videodagi holatning kelib chiqishiga fuqarolar tomonidan chiqindilarni maxsus joylarga tashlamaslik sabab bo‘lgan va buning oqibatida zararkunandalarning ko‘payishiga zamin yaratilmoqda.
Qayd etish joizki, ushbu hududda dezinfektorlar tomonidan deratizasiya (kemiruvchilarga qarshi zararsizlantirish) hamda dezinseksiya ishlari amalga oshirildi.