Chexlar, ruminlar va slovenlar ranjidi

Le Monde gazetasi yozishicha, Chexiya, Ruminiya va Sloveniya Parijdagi Yevropa davlat rahbarlari sammitiga taklif etilmaganidan g‘azablandi.

Chexiya hukumatidagi manba nashrga aytishicha, Yevropada aholi soniga nisbatan Chexiyadan ko‘ra ko‘proq ukrainalik qochqinlarni qabul qilgan boshqa mamlakat yo‘q. Bundan tashqari, aynan shu mamlakat "qurol-yarog‘ yetkazib berishning eng samarali tizimlaridan birini" tashkil etmoqda".

"Polshani hisobga olmaganda, Chexiyadan ko‘ra urushga yaqinroq mamlakat yo‘q," - dedi Chexiya hukumatidagi manba Fransiya prezidenti EmmanuEl Makronning "takabburligini" qoralab.

Ruminiyaning vaqtincha prezidenti IliE Boloyan’ning mudofaa va xavfsizlik masalalari bo‘yicha maslahatchisi Kristian Diakonesku ham "mamlakati ko‘rsatgan sa’y-harakatlarga qaramay" Parijga taklif etilmaganidan afsusda ekanligini bildirdi.

"Muhokamalarning mavzusi NATOning sharqiy qanoti, xususan, Qora dengiz mintaqasining xavfsizligi va barqarorligi bilan bog‘liq bo‘lmaydi va, eng muhimi, hech qanday qaror qabul qilinmaydi. Biroq, sizni ishontirib aytishim mumkinki, bundan keyin bizni ham o‘z ichiga oladigan keyingi qadamlar qo‘yiladi," deb ta’kidlaydi u.

Bundan tashqari, Sloveniya prezidenti Natasha Pirs-Musar aytishicha, Parijdagi sammit tashkilotchilari Yevropaning barcha davlatlarini taklif etmagani bilan "dunyoga hatto Yevropa Ittifoqi doirasida ham barcha davlatlar teng emasligini ko‘rsatmoqda." Uning fikricha, "bu AQSh uchun munosib hamkor bo‘la oladigan Yevropa emas."