Chempionlar ligasining 2025/2026 yilgi mavsumi pley-off bosqichi doirasidagi «Benfika» va Madridning «Real» jamoalari o‘rtasidagi ilk uchrashuv yakunlandi. Lissabondagi «Da Lush» stadionida bo‘lib o‘tgan bahsni bosh hakam Fransua Leteksye boshqarib bordi. O‘yin «qaymoqranglilar»ning 1:0 hisobidagi g‘alabasi bilan tugadi.
O‘yinning 50-daqiqasida «qirollik klubi» vingeri Vinisius Junior uchrashuvdagi yagona golni kiritdi.
«Real» va «Benfika» o‘rtasidagi javob o‘yini 25 fevral kuni Madriddagi «Santyago Bernabeu» stadionida bo‘lib o‘tadi.
Eslatib o‘tamiz, Chempionlar ligasining umumiy bosqichi yakunlariga ko‘ra, Lissabon jamoasi 9 ochko bilan 24-o‘rinni, Madrid klubi esa 15 ochko bilan 9-o‘rinni egallagan edi.
Evropa Chempionlar ligasi, O‘tish o‘yini
«Benfika» (Portugaliya) — «Real» (Ispaniya) — 0:1
Gol: Vinisius Junior, 50 (0:1).
«Benfika»: Trubin, Dal, Otamendi, Arauju, Dedich, Barreyru, Eursnes (Lopesh Kabral, 80), Shelderup (Sudakov, 74), Rafa Silva (Rios, 74), Prestianni (Lukebakio, 81), Pavlidis.
«Real»: Kurtua, Karreras (Karvaxal, 90), Xeysen, Ryudiger, Aleksandr-Arnold, Kamavinga (Pitarch, 90), Tshuameni, Arda Gyuler (Dias, 86), Valverde, Vinisius Junior, Mbappe.
Ogohlantirishlar: Prestianni, 78. Sudakov, 90 — Vinisius Junior, 51. Mbappe, 87.
Ronaldu qarorini birdan o‘zgartirdi
Krishtianu Ronaldu boykotdan keyin jahon rekordini o‘rnatdi
Holand kutilmagan transfer qarorini qabul qildi
