Buyuk Britaniya Kongo Demokratik Respublikasi fuqarolari uchun Kinshasaning hujjatsiz muhojirlar va sudlangan jinoyatchilarni qaytarish bo‘yicha hamkorlik qilmayotgani fonida viza tartiblarini kuchaytirdi.
The Daily Telegraph nashrining yozishicha, Kongo diplomatlari va siyosatchilari ustuvor vizalarni rasmiylashtirishdan, oddiy fuqarolar esa tezkor vizalardan mahrum bo‘lishdi.
Birlashgan Qirollik Ichki ishlar vaziri Shabana Mahmud, agar taraqqiyot bo‘lmasa, London Kongo fuqarolariga, jumladan, prezident Feliks Chisekediga viza berishni butunlay to‘xtatishi mumkinligi haqida ogohlantirdi.
"Mamlakatlar qoidalar bo‘yicha o‘ynashiga umid qilamiz. Agar ularning fuqarolaridan birortasi bu yerda bo‘lishga haqqi bo‘lmasa, ularni qaytarib olishga majbur. Men Angola va Namibiyaga minnatdorchilik bildiraman va ularning hamkorligini olqishlayman. Endi Kongo to‘g‘ri ish qilish vaqti keldi: fuqarolaringizni qaytarib oling, aks holda siz bizning mamlakatimizga kirish sharafidan mahrum bo‘lasiz", dedi Mahmud.
Afrikada o‘zini "payg‘ambar" deb atayotgan shaxs qurgan kema atrofida o‘n minglab odam to‘plandi
O‘qituvchilar va tibbiyot xodimlarining oyligi 2 baravar oshiriladi
Sobiq mudofaa vaziri prezident saroyiga bostirib kirishni uyushtirgani uchun hibsga olindi
