Buyuk Britaniya qiroli xalqiga murojaat qiladi

Buyuk Britaniya qiroli Charlz III keng ko‘lamli xayriya kampaniyasi doirasida saraton kasalligiga qarshi kurashi haqida ommaga ochiq gapirishga qaror qildi. Bu haqda Daily Mail xabar berdi.

Qirol tomonidan yozib olingan murojaat “Saratonga qarshi kurash 2025” kampaniyasi doirasida namoyish etiladi. Kampaniya Cancer Research UK va Channel 4 hamkorligida tashkil etilgan.

Maqolada ta’kidlanishicha, Charlz III ning murojaati “shaxsiy” xususiyatga ega. Monarx kasallikka tashxis qo‘yilishi, unga qarshi kurashishi haqida batafsil ma’lumot beradi va bu boradagi shaxsiy tajribasini ochib beradi. Bundan tashqari, u saratonni erta aniqlash uchun skrining dasturlariga alohida e’tibor qaratadi.

Qirolning murojaati Channel 4 telekanali tungi dasturining asosiy qismiga aylanadi. Bunday ochiq-oydinlik Britaniya monarxiyasi uchun noyob hodisa, chunki qirollik oilasi a’zolari an’anaviy ravishda tibbiy masalalarda sir saqlashadi.

Buyuk Britaniya qirolining sog‘lig‘i so‘nggi oylarda jiddiy yomonlashgan. Saraton kasalligiga qarshi kurashayotgan Charlz III uchun hassa zaruriyatga aylangan.

Jurnalistlarning aniqlashicha, endi monarx Norfolkdagi mulkida qiyinchilik bilan harakatlanmoqda. Bundan tashqari, u og‘riqni yengish uchun spirtli ichimliklar iste’mol qilmoqda.