Buyuk Britaniya G7 davlatlarining Ukrainaga yordam dasturi doirasida kreditning ikkinchi qismini o‘tkazdi — DW

Ushbu mablag‘ Rossiya aktivlaridan olingan daromadlar hisobidan to‘lanadi.

London “Katta yettilik” davlatlari tomonidan Kiyevni qo‘llab-quvvatlash uchun mo‘ljallangan kredit dasturi doirasida 752 million funt sterling (875 million yevro) miqdoridagi ikkinchi to‘lovni amalga oshirdi. Bu 2,26 milliard funt sterling (2,63 milliard yevro) miqdoridagi kreditning bir qismi bo‘lib, uni Yevropa Ittifoqida muzlatilgan Rossiya davlat aktivlaridan olinadigan daromadlar hisobidan qaytarish rejalashtirilgan. So‘nggi transh 2026 yilda yo‘naltirilishi kutilmoqda.

"Ushbu moliyaviy yordam Ukraina uchun havo hujumidan mudofaa tizimlari kabi hayotiy muhim harbiy uskunalarni xarid qilishga yordam beradi. Mablag‘ aynan Rossiya Sumi shahriga hujum qilgan, Ukraina ustidan havodan bosimni davom ettirayotgan bir paytda ajratilmoqda", deyiladi Britaniya hukumati tarqatgan press-relizda.

G7 kredit dasturi doirasida davlatlar Ukrainaga jami 50 milliard dollar miqdoridagi yordam yo‘naltirishni rejalashtirmoqda.