Texnik jihatdan tartibga solish sohasida nazorat inspeksiyasining Buxoro viloyati bo‘limi tomonidan xususiy klinikada o‘lchash vositalarining qonuniy holatini o‘rganishga qaratilgan nazorat tadbirlari o‘tkazildi.
Buxoro shahar “ABC” MCHJda o‘tkazilgan nazorat davomida klinikada mavjud 5 ta o‘lchash vositasi belgilangan metrologik ko‘rikdan o‘tmagani ma’lum bo‘ldi.
Qayd etish joizki, bu kabi holatlar O‘zbekiston Respublikasining “Metrologiya to‘g‘risida”gi Qonunining 16-moddasi talablariga zid bo‘lib, ushbu norma faqat tekshiruvdan o‘tgan o‘lchash vositalaridan foydalanishga ruxsat beradi.
Izoh:
🔹 O‘lchash vositasi — bu o‘lchash ishlarida qo‘llaniladigan texnik jihoz bo‘lib, u muayyan metrologik talablarni bajara olishi lozim.
🔹 Metrologik tekshiruv — o‘lchash vositasining aniqlik, ishonchlilik va talabga muvofiqligini baholash jarayonidir.
⚖️ Aniqlangan qonunbuzarliklar bo‘yicha klinikaning rahbariga nisbatan belgilangan tartibda ma’muriy choralar ko‘rildi.
