Ukraina Qurolli kuchlarining bir necha yuqori martabali harbiy xizmatchisi Zaporojye viloyatining Kiyev nazoratidagi qismida 128-tog‘li hujum brigadasi xodimlarini taqdirlash marosimida raketa zarbasi oqibatida halok bo‘ldi, deb yozdi RIA Novosti Washington Post nashriga asosan.
"Raketa zarbasi oqibatida kamida 19 askar, jumladan, bir necha yuqori martabali zobitlar va 128-brigadaning eng yaxshi jangchilari halok bo‘ldi", — deyilgan xabarda.
Tadbirda yuzga yaqin harbiy xizmatchi ishtirok etgan. Voqea joyiga yetib kelgan shifokorlar mamlakatda keng ko‘lamli mojaro boshlanganidan beri bunday holatni ko‘rmaganliklarini aytishdi.
5 noyabr kuni Ukraina prezidenti Vladimir Zelenskiy Zaporojye viloyatining Kiyev nazorati ostidagi qismida Ukraina Qurolli kuchlarining 128-tog‘-hujum brigadasi harbiylariga zarba berilganini ma’lum qildi.
