«Parma» darvozaboni Janluiji Buffon «Barselona» klubi va Ispaniya milliy jamoasining sobiq yarimhimoyachisi Andres Inyestaga o‘z vaqtida «Oltin to‘p» berilmaganidan norozi.
«Men uchun «Oltin to‘p» bilan bog‘liq eng katta adolatsizlik — Inyestaga ushbu sovrin berilmagani. Andres Maradona, Messi yoki Ronaldu kabi kuchli edi», — dedi Buffon France Football nashriga bergan intervyusida.
2010 yili Inyesta ovoz olishda ikkinchi bo‘lib, bu borada «Barselona»dagi sherigi Lionel Messiga yutqazgan, 2012 yilda esa 3-o‘rinni egallagan.
Ma’lumot uchun, 38 yoshli ispan bu mavsumda «Vissel Kobe» safida Yaponiya chempionatida 11ta bahsda 2tadan gol va assistni o‘z hisobiga yozdirib qo‘ydi.
