«Barselona» La Ligaga Valyadoliddagi «Xose Sorrilya» stadioni gazoni holati yuzasidan shikoyat qildi. Bu haqda Marca xabar bermoqda.
Kataloniyaliklar Ispaniya chempionati 2-turi doirasida «Valyadolid»ga qarshi safar o‘yinida 1:0 hisobida g‘alaba qozondi. Ammo o‘yin davomida kataloniyalik futbolchilar maydondagi qoniqarsiz holat tufayli o‘z o‘yinlarini namoyish eta olishmadi. Uchrashuv davomida ko‘p martalab maydondagi gazon joyidan qo‘porilib ketdi.
La Liga rahbari Xavyer Tebas ushbu holat o‘rganilishini ma’lum qildi. Endi jamoaga nisbatan sanksiya qo‘llanishi mumkin.
«Bu futbol bahsi o‘tkaziladigan joy emas. Biz bu holat yuzasidan tegishlicha intizomiy ish ochamiz», — degan Tebas.
Manba: kun.uz
