Britaniyada samolyot qiyin qo‘nishni amalga oshirdi (video)

Buyuk Britaniyaning Lids-Bredford aeroportiga "Floris" bo‘roni sabab bo‘lgan kuchli shamol tufayli Jet2 samolyoti qiyin qo‘ndi. Mamlakatning ayrim hududlarida shamol tezligi soatiga 160 km dan oshdi.

Bu haqda Sky News xabar berdi.

Ma’lumotlarga ko‘ra, noqulay ob-havo sharoiti Shotlandiyada bir qator reyslarning bekor qilinishiga sabab bo‘lgan. Shimoliy Irlandiyada elektr ta’minotidagi uzilishlar qayd etildi, Shotlandiyada ommaviy tadbirlar bekor qilindi.

Buyuk Britaniya Milliy meteorologiya xizmati ikki darajali ob-havo ogohlantirishlarini e’lon qildi, jumladan sariq - ikkinchi eng xavfli. Shotlandiya temir yo‘l transportida poyezdlar harakatida sezilarli uzilishlar kuzatilmoqda.