Britaniya Yaqin Sharqdagi bazalarga qo‘shimcha qiruvchi samolyotlarni joylashtiradi

Britaniya mintaqadagi vaziyat keskinlashayotgan bir paytda Yaqin Sharqdagi bazalariga qo‘shimcha qiruvchi samolyotlar yuboradi.

Bu haqda Buyuk Britaniya bosh vaziri Kir Starmer Kanadadagi G7 sammitiga ketayotgan samolyot bortida jurnalistlar bilan suhbatda ma’lum qilgan.

"Biz mintaqaga kuchlarni, jumladan, qiruvchi samolyotlarni ham olib boryapmiz. Bu favqulodda yordam ko‘rsatish uchun", - dedi u.

Starmer matbuot kotibining aytishicha, mintaqaga allaqachon qo‘shimcha tanker samolyotlari joylashtirilgan. Ekipajlar juma kuni ertalab jo‘nashga tayyorgarlik ko‘rishni boshladilar.