Britaniya Tashqi ishlar vaziri Devid Kemeronning aytishicha, Gruziyadagi xorijiy agentlar haqidagi qonun loyihasi nodavlat tashkilotlar faoliyatini cheklaydi.
«Biz Gruziya xalqini faol qo‘llab-quvvatlaymiz. Biz bu qonun loyihasi noto‘g‘ri ekanligini aniq aytdik. Aslida, dunyoning ko‘plab mamlakatlari fuqarolik jamiyatini cheklash va ular nazorat qilmaydigan har qanday xorijiy nodavlat va xayriya tashkilotlariga qarshi chiqish uchun shunga o‘xshash qonunlarni qabul qilmoqdalar», dedi Kemeron Sky News telekanaliga bergan intervyusida. Uning fikriga ko‘ra, bu avtoritar rejimga xos bo‘lgan global muammo.