Sankt-Peterburgda bosh shifokor va akusher-ginekolog bola savdosida gumonlanib qo‘lga olindi. Bu haqda, Rossiya Tergov qo‘mitasiga tayanib, «TASS» xabar bermoqda.
«44 yoshli bosh direktor (bosh shifokor), shuningdek, tibbiyot markazlaridan birining 37 yoshli akusher-ginekologi qo‘lga olindi”, deyiladi xabarda.
Tergovga ko‘ra, gumonlanuvchilar 2019 yil iyun oyida yolg‘iz erkak tomonidan yordamchi reproduktiv texnologiyalardan foydalanish bo‘yicha amaldagi qonunchilikni buzgan holda pullik xizmatlar ko‘rsatgan. Ular chet el fuqarosi bilan shartnoma tuzdilar, keyin u ikkita surrogat onaga mos keladigan donor agentlik bilan shartnoma imzoladi.
2020 yilning yozida surrogat onalar genetik otasi xorij fuqarosi bo‘lgan o‘g‘il va qizni dunyoga keltirdi. Erkak bir bolani chet elga olib ketgan, ikkinchisi esa Sankt-Peterburgda enagasi bilan yurganida kasallikdan vafot etgan.
Jinoyat ishi bo‘yicha zarur tergov harakatlari olib borilmoqda, gumonlanuvchiga nisbatan ehtiyot chorasini tanlash va ayblov e’lon qilish masalasi hal qilinmoqda.
