Buyuk Britaniyaning sobiq bosh vaziri Boris Jonson Ukrainaning Yevropadagi ittifoqchilarini bexabar vahima va o‘zini «boshsiz tovuqlar»dek tutishda aybladi . U ularni «o‘zlarini birlashtirishga va mudofaa xarajatlarini oshirishga» chaqirdi.
Myunxendan GB News nashriga bergan intervyusida Jonson Yevropa davlatlari Vashingtondan kelgan signallarni noto‘g‘ri talqin qilayotganini aytdi. Uning ta’kidlashicha, Tramp va AQSh mudofaa vaziri Pit Xegset «Ukrainaga xiyonat qilmayapti» va uni qo‘llab-quvvatlashdan bosh tortmayapti.
«Ukraina suveren va gullab-yashnagan davlat bo‘lib qolishi kerak, deyishadi. Ularning aytishicha, [Rossiya prezidenti Vladimir] Putin g‘alaba qozonmasligi kerak. Ular Ukrainani qo‘llab-quvvatlashda davom etishlarini ta’kidlamoqda», — deya tushuntirdi sobiq bosh vazir.
2022 yilda Britaniya Bosh vaziri lavozimidan ketganidan beri Jonson AQShga muntazam tashrif buyurib, Kiyevni qo‘llab-quvvatlash uchun yetakchi respublikachilarni lobbi qilib keladi. U o‘tgan iyul oyida Respublikachilar partiyasining milliy qurultoyida Tramp bilan uchrashgan.
Jonson, shuningdek, Trampning Yevropa davlatlaridan mudofaa xarajatlarini oshirish talablarini qo‘llab-quvvatladi. Unga ko‘ra, amerikaliklar Trampni «ittifoqchilardan manfaat talab qilish» mandati bilan saylagan. Shuningdek, u Britaniya leyboristlar tomonidan boshqarilsa ham (Jonson konservativ), o‘rnak bo‘lishi kerakligini ta’kidladi.
«Tramp yevropaliklarga, bizga, britaniyaliklarga va boshqalarga aytmoqchi bo‘lgan narsa: qo‘lga oling va yo‘lga chiqing», dedi u.
U, shuningdek, Tramp ma’muriyati Kreml bilan muzokaralar boshlash orqali Putinni «yumshtirmoqda» degan ayblovlarni ham rad etdi. Jonsonning so‘zlariga ko‘ra, Tramp «Ukrainaning tartibsiz qulashi», Vladimir Zelenskiyning mag‘lubiyati va «NATO va G‘arbning to‘liq tahqirlanishi»ga dosh berolmaydi, chunki bunday stsenariy uning siyosiy merosiga dog‘ qoldiradi.
Sobiq bosh vazirning ishonchi komilki, Ukraina hali ham NATOga a’zo bo‘lish imkoniyatiga ega, vaholanki, Xegsetning «Agar unga NATOga a’zo bo‘lish-qilmaslik to‘g‘risida qaror qabul qilish taqiqlangan bo‘lsa, davlat suveren bo‘la olmaydi» degan bayonotiga qaramay.
Ozod etilgan isroillik asirning so‘zlari ko‘pchilikni hayratlantirdi: "Safingizda bo‘lishni istardim"
Olimlar shahar kanalizasiya tizimida alligatorlarning ko‘pligini ko‘rib «hayron qolishdi»
Dunyodagi eng uzoq umr ko‘ruvchi 10 ta davlat
