Bolgariyada Rossiyaparast “V’zrajdane” partiyasi deputatlari milliy valyutadan yevroga o‘tishga qarshi chiqib, parlament minbarini to‘sib qo‘ydi — “Ozodlik radiosi”

Partiya yetakchisi Kostadin Kostadinovning aytishicha, agar Bolgariya yevroni qabul qilsa, moliyaviy suverenitetini yo‘qotadi. Uning so‘zlariga ko‘ra, yevrozonaga qo‘shilgach, Bolgariya “okkupasiya ostida qoldi”.

Ushbu norozilik parlamentda “V’zrajdane” a’zosi Soncho Ganev va markazchi partiya deputati o‘rtasida mushtlashuvga olib keldi.
Ommaviy axborot vositalari ma’lumotlariga ko‘ra, parlament ichida to‘qnashuvlar bo‘layotgan bir vaqtda “V’zrajdane” tarafdorlari tashqaridan binoga kirish joylarini to‘sib qo‘yishgan. Xabar berilishicha, bu “V’zrajdane” vakillarining chaqirig‘idan so‘ng sodir bo‘lgan.

4 iyun kuni Yevrokomissiya va Yevropa Markaziy banki Bolgariyaning 2026 yil 1 yanvardan yevro valyutasidan foydalanishga o‘tishini ma’qullagan edi.