"Bolalarning ko‘pchiligi boshidan yoki tanasidan o‘q yegan"

Defence for Children xalqaro bolalarni himoya qilish tashkiloti sentyabr oyida Isroil armiyasi va isroillik ko‘chmanchilar tomonidan bosib olingan G‘arbiy Sohilda 7 oktyabrdan beri o‘ldirilgan falastinlik bolalar haqida hisobot e’lon qildi.

Hisobotda keltirilgan asosiy faktlar:

Isroil merganlari qurolsiz bolalarni ataylab nishonga olmoqda va haqiqiy o‘q bilan o‘qqa tutmoqda. Isroil askarlari va ko‘chmanchilar tomonidan bosib olingan G‘arbiy Sohilda, jumladan Sharqiy Quddusda 2023 yilning 7 oktyabridan 2024 yil 31 iyuliga qadar 141 nafar falastinlik bola o‘ldirildi.

Isroilliklar tomonidan o‘ldirilgan 141 nafar bolaning 116 nafari to‘g‘ridan-to‘g‘ri boshiga yoki tanasiga, 18 nafariga esa orqa qismiga otilgan, bu – "bola isroillik askarlarga xavf tug‘dirmaganining yaqqol ko‘rsatkichidir".

2000 yildan beri qatl qilingan falastinlik bolalarning 20 foizi 7 oktyabrdan keyin o‘ldirilgan. G‘arbiy Sohilda har ikki kunda bir bola halok bo‘ladi.

Isroil qo‘shinlari va rasmiylari tez yordam mashinalariga haqiqiy o‘q-dorilardan o‘q uzmoqda va Isroil havo hujumida yaralangan bolalarga yaqin atrofdagilarning tibbiy yordam ko‘rsatishiga yo‘l qo‘ymaslik orqali falastinlik bolalarning tibbiy yordam olish huquqini muntazam ravishda rad etib keladi.

Isroil hukumati va kuchlari isroillik ko‘chmanchilarning falastinlik bolalarga nisbatan zo‘ravonliklarini muntazam, ataylab va maqsadli ravishda qo‘llab-quvvatlamoqda. Isroil qo‘shinlari ko‘pincha isroillik ko‘chmanchilar tomonidan qurolli hujumlar paytida hozir bo‘ladi, lekin ular tojovuzining oldini olmaydi. Ikki marta Isroil askarlari va ko‘chmanchilar bir vaqtning o‘zida falastinlik bolalarga qarata o‘q uzgan.

Isroil kuchlari ishg‘ol ostidagi G‘arbiy Sohilda havo hujumlarida 25 nafar falastinlik bolani o‘ldirdi. Ba’zi bolalar to‘g‘ridan-to‘g‘ri nishonga aylangan bo‘lsa, boshqalari bilvosita nishon bo‘lgan.

2023 yil oktyabr oyida Isroil askarlari to‘rt nafar falastinlik bolani yumshoq to‘qimalar yarasining diametrini oshirish uchun mo‘ljallangan ichi bo‘sh uchli o‘qlar bilan otib o‘ldirdi, bu esa Xalqaro sudda ta’qib qilinadigan urush jinoyatlari hisoblanadi.

Isroil hukumati 2023 yil 7 oktyabrdan beri bosib olingan G‘arbiy Sohilda, jumladan Sharqiy Quddusda falastinlik bolalarning 18 jasadini musodara qildi. Jasadlarni musodara qilish va saqlash xalqaro gumanitar huquq va xalqaro jinoiy huquqni buzish hisoblanadi.

Isroil hukumati askarlarning jazosiz qolishi va falastinlik bolalarning sudsiz o‘ldirilishi uchun hech qanday oqibatlarga duch kelmasligini ta’minlash uchun harakat qilmoqda: "O‘rganilayotgan ushbu davr uchun javobgarlik haqida hech qanday ma’lumot yo‘q".