2026 yil 19 sentyabr kuni Turkiy dunyo bastakorlarining Birinchi quriltoyi doirasida turkiy davlatlarning yetakchi musiqa tashkilotlari vakillari Turkiy dunyo bastakorlari ittifoqi (TUC)ga asos soldilar.
Mazkur tarixiy qaror Boku deklarasiyasining imzolanishi orqali rasmiylashtirildi. Deklarasiya turkiy davlatlar bastakorlari, musiqashunoslari, ijrochilari, konservatoriyalari, musiqa akademiyalari va ijodiy uyushmalari o‘rtasida uzoq muddatli professional hamkorlik uchun poydevor yaratdi.
TUCning tashkil etilishi Quriltoyning asosiy tarixiy voqeasiga aylandi. Ilk bor turkiy davlatlar bastakorlari o‘rtasidagi hamkorlik yagona institusional tizim va uzoq muddatli xalqaro platformaga ega bo‘ldi. Bu esa Turkiy dunyo musiqa tarixida yangi sahifani ochib, umumiy madaniy merosdan qo‘shma ijod va jahon sahnasida yagona ovozga tomon yo‘l ochdi.
Turkiy Madaniyat va Meros jamg‘armasi prezidenti, professor Aktoti Raymkulova shunday dedi:
«Biz turkiy xalqlarning boy merosi yangi asarlar, professional hamkorlik va xalqaro madaniy muloqot manbaiga aylanadigan jonli musiqiy makon yaratishga intilmoqdamiz. Bokuda o‘tkazilgan Birinchi quriltoy va Turkiy dunyo bastakorlari ittifoqining (TUC) tashkil etilishi Turkiy dunyo musiqiy diplomatiyasi tarixida yangi sahifani ochmoqda».
TUC turkiy dunyoning ijodiy salohiyatini birlashtirish, zamonaviy kompozitorlik maktablarini qo‘llab-quvvatlash, yangi musiqiy asarlar yaratilishiga ko‘maklashish hamda turkiy xalqlar musiqasini yirik xalqaro sahnalarda targ‘ib qilishni maqsad qilgan.
TUCning Ozarbayjonda tashkil etilgani ham alohida ramziy ahamiyatga ega. Chunki ushbu mamlakat jahon musiqa madaniyatiga Uzeir Hojibeyli, Qora Qorayev, Fikrat Amirov kabi buyuk bastakorlarni yetishtirib bergan boy musiqiy an’analarga ega.
Turkiy dunyo bastakorlarining I Quriltoyi 2026 yil 18–20 sentyabr kunlari XVIII Uzeir Hojibeyli xalqaro musiqa festivali doirasida o‘tkazilmoqda. Loyiha Ozarbayjon Respublikasi Madaniyat vazirligi va Turkiy Madaniyat va Meros jamg‘armasi tomonidan Boku shahridagi ICESCO mintaqaviy ofisi, Ozarbayjon Bastakorlar uyushmasi hamda Ozarbayjon Milliy konservatoriyasi hamkorligida amalga oshirilmoqda.
Muhojirlar ketmoqda — Moskva esa qaytishga chaqirmoqda
Boshlang‘ich sinf qizlari uchun hijobni taqishni taqiqlash taklif qilinmoqda
"Men hech qachon 102-harbiy bazani Armanistondan olib chiqish masalasini ko‘tarmaganman"
