Professional boks bo‘yicha super o‘rta vazn toifasining mutlaq chempioni Saul Alvares Argentina terma jamoasi hujumchisi Lionel Messi va Argentina xalqidan uzr so‘radi.
"So‘nggi kunlarda ehtiros va vatanimga bo‘lgan muhabbat meni to‘lqinlantirib yubordi va o‘rinsiz gaplar aytib yubordim. Shu bois Messi va Argentina xalqidan uzr so‘rayman. Har kuni yangi nimanidir o‘rganamiz va bugun mening navbatim keldi. Jamoaga omad tilab qolaman", — deydi «Kanelo».
Meksikaga qarshi o‘yindan keyin Messi Meksika sardori Andres Guardado bilan libos almashgan. Argentina kiyinish xonasida g‘alabani nishonlayotgani tasvirlangan videoda Meksika terma jamoasi libosi oyoq ostida yotgani va Messi kiyim almashtirish chog‘ida unga tegib ketgani tasvirga tushib qolgan. Ushbu holat meksikalik bokschiga yoqmagan va Alvares ijtimoiy tarmoqdagi sahifasi orqali uni tanqid qilgan.
Keyinchalik Guardado bu vaziyatga munosabat bildirib, Messining yonini olgan va bokschining harakatini «nizo yaratish va mashhurlikka erishishga urinish»ga qiyoslagan.
Ukraina prezidenti Rossiya bilan muzokaralarga tayyor ekanini aytdi
Eron raketalarining aksariyati Isroilning Arrow mudofaa tizimi yordamida qo‘shni davlatlar ustida urib tushirilgan
Moskva Isroilning ehtimoliy hujumidan himoya qilish uchun Eronga zamonaviy qiruvchi va havo mudofaa tizimlarini topshirishi mumkin
